kwoklongg

the tale of the hungry

kwoklongg — Tue, 03 Aug 2010 00:48:00 +0000

One day while walking at the beach, barbs grew tired and

hungry that her mouth is watering so she decided to keep it closed.

She’s craving for tuna, she used her camera not to take a picture

but to zoom her view to the ocean where the tunas live.

She went to the building to have the tunas under surveilance from a top view

It took her too long to go through the building that when she arrived

the ocean dried up and a city emerged. It made her sad.

Many winters have come but she still cant get over the loneliness

that the tunas bring. It made her want to commit suicide.

But wait, she remembered something, strawberries are tuna’s favorite.

She took a bunch of them and put them on the fishing rod.

It worked! The tunas really like strawberries! But they have overpowered Barbs and dragged her down while pulling her skirt.

Even though she was sinking, the mere presence of tuna makes her really really happy that she even managed to smile.

She lived happily ever after and posed for a picture for this story's ending

tren

kwoklongg — Sun, 01 Aug 2010 03:06:00 +0000

isakay natin sa tren ang alaala
paglalakbay na ating pinagsamahan
pag-ibig na nabuo sa 'ting dalawa

sa puwesto kung san tayo nagkikita
sa may tindahan ng sago at gulaman
isakay natin sa tren ang alaala

sa iyong pagdating tayo ay pipila
sa linya na umuusad nang marahan
pag-ibig na nabuo sa 'ting dalawa

sa byahe ay ikaw lang ang nadarama
kahit punong-puno at nagsisiksikan
isakay natin sa tren ang alaala

tayo ay bababa na sa may Pureza
sabay tayong maglalakad sa hagdanan
pag-ibig na nabuo sa 'ting dalawa

mamaya muli kitang makakasama
ihahatid kita hanggang sa Santolan
isakay natin sa tren ang alala
pag-ibig na nabuo sa 'ting dalawa.

isang soneto para kay B.

kwoklongg — Sun, 01 Aug 2010 03:04:00 +0000

kasama bang naglaho ng iyong bangkay
ang iyong adhika at paniniwala?
ikaw na nagsimula ng pag-aalsa
at pagkalas sa kadena ng kaaway

sa gulok at baril pag-asa'y ginapos
pag-asang umukit sa isip at puso
nagdilig sa lupa ng luha at dugo
pagkaalipin ay dapat nang matapos

maraming pagbabago na ang hinarap
ng bayang sinakdal ng pagmamalabis
mga namuno'y nagpalit lang ng kutis
ngunit lupa ay alipin pa ring ganap

hindi pa tapos ang pakikipaglaban
ama, tangan namin ang iyong pangalan

ulan

kwoklongg — Wed, 21 Jul 2010 23:41:00 +0000

bumuhos ka ulan

basain ang aming katawan

diligin ang bulaklak at halaman

buhos na ulan

nakapila ang balde’t dram

nakasahod sa yong harapan

wag mo na kaming asarin ng ambon

dahil darating ang panahong

wala na kaming maiinom

wag mo nang ipagkait

babalik ka rin naman sa langit

at maiiwan kaming pilit

nag-aagawan sa tubig

mp

kwoklongg — Sat, 26 Jun 2010 23:31:00 +0000

hindi ko alam kung paano sasagutin

kung bakit dapat mo akong basahin

bakit ba ako nagsusulat?

ako man ay nagulat.

sino nga ba akong bale wala sa mundo

hindi naman magaling

at wala akong dating

pero ang mga salitang nabuo

at mga naipong taludod

ay bumubuhay

at namamahay sa akin.

mahahanap

magiging ganap

makata. kwentista.

manunulat.

naging pahirap

kwoklongg — Thu, 27 May 2010 16:04:00 +0000

to the tune of naging mahirap by manny villar..

naka move-on ka na ba sa alaala ni ____

natanggap mo na bang wala nang pag asa

yan ang tingin namin

makinig ka sana samin

nalaman mo na bang iniwanan ka na

lumalayo sayo't ayaw paistorbo

at wala syang planong

magparamdam sa'yo

tigilan na ang iyong paghihirap

tigilan na ang iyong pagpapasakit

tigilan na ang yong kahangalan

magmahal hanggang sukdulan

limutin na sya at ang kanyang pangalan.

wakoko para sa inyo talaga yang blank para mafill up nyo yung pangalan na gusto nyo! check √

ikaw ba yan?

kwoklongg — Thu, 27 May 2010 02:39:00 +0000

hindi ko alam kung bakit

naiisip kita pag napapanood ko si kim chiu

hindi ko maintindihan

nakikita kita sa kanya

naaalala ko ang pagtakip ng iyong buhok

sa gilid ng iyong mukha

na madalas ay gusto kong hawiin

at isabit sa iyong tainga

upang masilayan ang iyong ganda

ang kislap ng iyong mga mata

at ang mapula mong pisngi

naiimagine kong lahat

ang makapal mong kilay

at ang malalambot mong labi.

nakikita ko ang iyong tuwa sa kanyang mga ngiti

at ang iyong mga luha sa kanyang pag iyak

nakikita kita kay kim

sana ako rin

makita mo

kay gerald anderson

kahit mas pogi ako

at umaarte lang sila

pero ako

mahal kita talaga

-lean borlongan

junction of nebulae and hemispheres

kwoklongg — Wed, 26 May 2010 02:28:00 +0000

you came like a shooting star
and i wish upon you
to be with me forever
i tried to pull our galaxies closer
so i could see more of your celestial being
only to find myself lost in the vast array of time
suspended in the universe
yet your gravity
pulls everything of me
piece by piece i see my parts falling
the heart, mind, and soul
nebulae of dreams are forming
hemispheres of love are growing
but hope is nowhere to be seen in the milky way
if only there's another way
in wide open ground of outer-space
shooting stars don't pass by twice.

-lean borlongan

tala

kwoklongg — Tue, 25 May 2010 11:03:00 +0000

nakatungtong sya sa kalawakan
sa kalangitan nya matatagpuan
mga planetang umiikot sa araw
nakatawag pansin sa kanya ang mundo
at ang mga taong naglalakad gamit ang ulo
bakit daw ang ulan ay pumapatak pataas
at ang mga eroplano'y sumisisid pababa?
ang mga isda ay nasa langit
at ang ibo'y nasa lupa
sumisikat ang araw sa kanluran
habang pagabi naman sa silangan
bakit ang langit ay nahahati sa kapuluan?
at ang lupa ay isang malawak na kaulapan
hindi nya maintindihan
bakit ang tao'y gustong maglakbay sa kailaliman ng kalawakan
habang siya'y tumitingala
at nais liparin ang mundo.

-lean borlongan

hindi na

kwoklongg — Tue, 20 Apr 2010 01:57:00 +0000

hindi na kita mahal.

wag mong sabihin

nakahanda akong gawin lahat para sa'yo

makita kang masaya

mahagkan at mayakap

ikaw ang pangarap ko.

dati pa man

tumigil ang mundo.

nang makilala kita

wala nang lahat.

ang pait at sakit

dahil sa yo.

-lean borlongan